Ugras

Forsyn deg av "ugraset" – ulydige vekster eller skrifter, med synspunkt på forskjellige samfunnsspørsmål og til forsvar av biologisk, kulturelt og språklig mangfald. Mange års uhelbredelig skrivekløe har ført til ein del skrifter. Ein stor del av dette finn du under emna i menyen til venstre.

Eg har og lagt ut litt bilete frå nokre av stadane eg har budd og reist.
Eg vaks opp i Skien i Telemark, seinare har eg budd og arbeida mest i Finnmark, i første rekke Hammerfest og Guovdageaidnu, også litt i Porsanger og Hasvik.
Sidan 1987 har eg årlig vore kortare eller lengre tid i Gdańsk i Polen, noko som i stor grad skuldast vevmeisteren bak desse sidene. Det har blitt mange reiser mellom Polen og Finnmark og ei av dei kan du sjå bilde frå her: 10 land på 6 veker

Eg har bl.a. jobba som mekanikar i fiskeindustrien og som lærar; mest i vidaregåande skole, litt i høgskole og grunnskole. I to tiår har eg vore lausarbeidar og forsøkt å leve av å skrive i lag med forskjellige andre småjobbar. Innimellom har eg studert på så mangt og engasjert meg i forskjellige aktivitetar med von om å bidra til å gjøre verda litt betre. Dei siste åra har eg i første rekke engasjert meg i Naturvernforbundet og i arbeidet for å få oppretta eit natursenter i Guovdageaidnu. Eg gjør no iherdige forsøk på å vere pensjonist, og har tatt meg tid å skrive ned nokre minner og tankar som kan lesast her: Mot straumen. Eg har også forsøkt meg på eit par Dikt.