Hilskkut

Ugras - på norsk

Weeds - in English

Chwasty - po polsku

Čálli, čuoigame Guovdageainnus go lea -200C buolaš.

Bures boahtin hilskkuide, jeaguhis čállosat bealuštan dihte biologalaš, kultuvralaš, čearddalaš ja gielalaš máŋggaidvuođa. Lean Skienis eret, muhto 1973 rájes lean orron Davvi-Norggas, eanaš Hammerfeasttas ja Guovdageainnus, ja veahá Porsáŋggus ja Ákŋoluovttas (Sállanis, Finnmárkkus). Go in leat Sámis, lean dábálaččat Gdańskas (Polskas). Váldosivva dasa ahte lean ollu doppe lea fierpmádatmeašttir gii lea dáid siidduid duohken. Sáhtát geahččat govaid mátkkis dáid báikkiid ja muhtin earáid - gaskkas dás. Lean bargan feara maid, ee. mekanihkarin ja oahpaheaddjin, eanaš joatkkaskuvllas, veahá allaskuvllas ja vuođđoskuvllas. Maŋŋil lean geahččalan eallit čállimis. Maŋimus jagiid lean bargan ollu Luonddugáhttenlihtus ja searvan bargui hukset meahcceguovddáža Guovdageidnui. Dál geahččalan leat penšunistan. In leat vel áibbas lihkostuvvan, muhto lean gávdnan áiggi čállit muhtin muittuid: Mot straumen Šearpma gurut bealde gávnnat mu čállosiid, čorgejuvvon fáttá, giela ja áiggi mielde. Dás vuolábealde leat mu deháleamos čállinprošeavttat.

Loga girjji: "Sámi skuvla vai "Norsk Standard?"

Dát girji almmuhuvvui 2003:s. Girji lea čoahkkáigeassu Norgga skuvlahistorjjás, ja gieđahallá norgga ja sámi skuvlahistorjjá baldalagaid. Ovttas historjálaš ovdanbuktimiin digástallá girji guovddáš pedagogalaš prinsihpaid norgga ja sámi skuvlaovdánahttimis. Girji sáhtát diŋgut lágadusas. Sáhtát maid viežžat dan interneahtas, pdf-hámis:sámegillii dahje dárogillii.

Sámi skuvlahistorjá

Ruovdebargu sámi árbevierus Lean čállán girjji, maid sáhttá geavahit oahppogirjin joatkkaskuvllas, ja mii maiddái leat buohkaid várás geat beroštit ruovdebarggus ja / dahje sámi kulturhistorjjás. Girji almmuhuvvui 2009:s.Sáhtát maid lohkat dan interneahtas sámegillii ja dárogillii.

<

Gull, gråstein og grums Dát lea girjeráidu ruvkkiid birra. Dađe bahábut eat nagodan ruhtadit sámegiel veršuvnna, ja girjjit leat dušše dárogillii. Dás gávnnat interneahttaveršuvnnat: Bind 1 – Omstridde gruver Tilleggsmateriale til bind 1 (2015) Bind 2 – Med lov skal land øydast (2016) Bind 3 – Ei velsigning for landet? (2017) Bind 4 – Under falskt flagg (2019)

Čále munnje