Av SVEIN LUND, Porsanger
Bernt Wilhelmsen er formann i Smørfjord fiskarlag, eit av dei tre fiskarlaga i Porsanger i Finnmark. Han eig den 37 fot store Havdønn.
— Båten er frå 1947 og eg har lite gjeld. Det er derfor det går. Her er nå mest gamle vrak igjen. Det er nesten ingen som greier å sitte på nye båtar. Som dei andre fiskarane i fjorden har han nå bare garantilott som inntekt. Den er 1500 kroner i veka, og betalas bare i eit visst antall veker for kvar sesong. Garantilotten eller minstelotten skal bare betalas når ein driv aktivt fiske, men det kan gjøras unnatak når det beviselig er så dårlig med fisk at det ein kan få ikkje dekker utgiftene med å gå ut. Og ingen vil nekte for at det er tilfelle for Porsangerfjorden i vinter.
— Fiskarane her i fjorden har vore fornuftige og holdt på ei maskevidde på 140mm (9 omfar), sjølv om fisken vi får har blitt mindre. Det kan ein dessverre ikkje seie om andre. Nå har maskevidda i snurrevad blittredusert frå 135 til 125mm etter press frå Norges Fiskarlag. Det er jo vanvittig. Snurrevadbåtane blir større og større, det er bare tråldørar som manglar så er det ein vanlig trål. Ein hypermoderne snurrevadbåt frå Ålesund har logge ute i havet i lag med stortrålarane, og taua i opptil fire timar. Og slike båtar får gå heilt opp i fjæresteinane. I Porsanger er gytefelta freda mot snurrevad delar av året, men det er ikkje nok. Dei har ingen ting på fjordane å gjøre. I Adamsf jorden greidde snurrevadbåtar for nokre år sidan å ta opp all storfisken. Sidan har der vore tomt. Det samme kan skje her.
Reketrål har vore forbode på Porsangerfjorden sidan 1975. Men nå pressar fiskarlag på kysten på for å få opna igjen. Før var her eit godt seigarnfiske. Men så kom seisnurparane og håva inn. Sidan -74 har her ikkje vore storsei igjen. Nå skal snurparane knekke småseien og. I sommar solgte dei til russiske fabrikkskip for 1 krone kiloen. Da må dei ha voldsomme kvantum for å få noka inntekt. Det må jo gå galt.
Porsanger bygdebok fortel at i 1865 var det 192 fiskarfamiliar i Porsanger, av disse dreiv 162 i kombinasjon med jordbruk. Fisket var den viktigaste næringsvegen i kommunen. I 1911 deltok 291 havfiskarar og 221 fjordfiskarar i fisket på Porsangerfjorden. 11988 eri det omlag 50 fiskarar igjen, og det vil nok ikkje vare lenge før dette talet er kraftig redusert.
Til startsida