Av SVEIN LUND
Etter at Harald Johansen hadde jobba som filetskjærar i mange år, blei han etter kvart hovudtillitsvald. Det blir sagt at han fekk gjennom mange betringar for arbeidarane. Så kjent var han blitt for dyktig tillitsmannsarbeid at då dåverande Nord-Norgessekretær Einar Hysvær blei vald til formann i NNN i 1977, blei Harald Johansen vald til ny Nord-Norgessekretær. Og frå denne tida blei han godt kjent for å kunne hamle opp med plagsomme venstreekstremistar og sette dei kraftig på plass.
I Finnmark Dagblad 23. april 1980 var det eit langt intervju med han i samband med overgangen. Der sto det halvkveda viser om at «enkelte rykter har svirret rundt denne 'overgangen'. Rykter som Harald Johnsen i dette intervjuet vil avkrefte, i hvert fall de fleste av dem». Kva for rykter som hadde gått fekk ikkje lesarene vite.
— Denne jobben vil ikke virke inn på min Innstilling til de problemene NNN-medlemmene har, seier han til avisa.
— Det begynte med ein gong han kom, seier tillitsvalde og andre arbeidarar ved Finotro. — Han skulle styre alt etter si pipe, og prøvde stadig å få sparka folk han ikkje likte. Det var ein evig krangel, og nå er vi glad over å være kvitt han!
Han har gått i spissen for at permitteringar ikkje skal gå etter ansiennitet, men etter «faglig dyktighet», noko som vel i praksis betyr etter kven sjefen likar best. Halve arbeidsstokken på kaia gikk permittert mens dei andre gikk nesten døgnet rundt. Han har forsøkt å få gjennom eit ulovlig arbeidsreglement som blei stoppa av NNN sin Nord—Norgessekretær — forøvrig Harald Johansen sin etterfølgar! Johansen har også nekta å snakke med leiaren for NNN i Havøysund og har nekta å forhandle om ho var tilstades.
Til startsida