Artihkal Ášus 04.02.2003
Svein Lund
EU bilida bargosajiid Finnmárkkus
Maŋimus áigi leat áviissat čállán ollu bargoaddidivaga birra. EEO (EØS)-šiehtadusa dihte ferte Norga heaitihit ortnega ahte lea unnit bargoaddidivat muhtin guovlluin go eará. Sihke Finnmárkku politihkarat ja fitnodatjođiheaddjit váidalit ahte bargosajit jávket go Finnmárkkus boahtte jagi ferte máksit 14 % bargoaddidivaga, seamma go Oslos. Kárášjoga sátnejođiheaddji cealká Finnmark Dagbladii 31.1.: "Jeg ser mørkt på sistuasjonen. Denne regjeringen er svak , som ikke finner gode nok argumenter og en løsning på problemet." Son dušše sivahallá ráđđehusa, ii ge jearrá manne bat Norgga ferte čuovvut buot njuolgadusaid mat bohtet EU:as. Sivva dasa lea EEO-šiehtadus, mii čatná Norgga čuovvut buot direktiivvaid ja gohččumiid mat bohtet EU:as. EEO-šiehtadusa váldoarkiteakta lei dalá stáhtaministar Gro Harlem Brundtland, gii gullá seamma bellodahkii go Kárášjoga sátnejođiheaddji. In muitte Sæthera cealkán maidege EEO-šiehtadusa vuostá dalle go dat bođii. Differensierejuvvon bargodivaga heittiheapmi lea duođaid váralaš Finnmárkku bargosajiide. Muhto ii abut dušše moaitit rađđehusa. Dalle go Stuoradiggi mearridii EEO-šiehtadusa, mearridii seammas ahte Norgga ii galgan beassat mearridit iežas vearro- ja divat-politihka. Ja áidná čoavddus lea: Cealkit eret EEO-šiehtadusa!
Svein Lund
Eambbo EU birra
Álgosiidui
sveilund@online.no