Denne artikkelen på norsk
- In oainne maidige vuostálašvuodaid olgeébellodatpolitihka ja "ii" EU:ai gaskkas, dadjá Olgešbellodat-almmái Steinar Hardersen ja nágge Olgešbellodaga Stuorradiggejoavkku jur vuostá. Steinar Hardersen jođiha gávppi Álttás ja bargá maiddái oasseáiggeoahpaheaddjin AMO-guovddážis. Son leamaš Álttá gávppálašseadusearvvi ja Davvi-Norgga gávpečájáhusa jođiheaddji ja sus leamaš luohttámusdoaimmat gieldapolitihkas ja Olgešbellodagas. Odne son lea Álttá "Ii fal EU":a stivramiellahttun.
1972 eahpidii son nu gárrasit EU-miellahttovuoda ahte son ii oppa jienastange. Odne son jienasta "ii" čielga olgešbellodatpolitihkalaš vuodul.
- Olgešbellodaga vuođđojurdda lea ahte fitnodagat mat ieža oamástit buvttadangaskomiid ja álgoávdnasiid, addet buoremus árvoluovvama ja stuorimus árjja. Lihtoditgo mii EU:ai, de mii luohpat otnáš gilvo-ovdduid: iešoamástuvvon luondduváriid. Rabas márkanii beassan ii dušše stivrejuvvo duoluiguin. Márkanis leat oastit ja vuovdit. Vuovdis leat gálvvut ja várit mat leat vátnásat. Vánisvuohta mearkkaša alit háddi. Min luondduvárit gusto šaddet ain árvvolaččabun. Ahte Norgga distrivttain leat dakkáraš várit ja árvoluovvan ii veaje leat fuomášuvvon Olgešbellodaga Oslo-viesus, mas mudui EU-miellahttoohcan giedahallui sakka jodánit, dadjá Hardersen.
SVEIN LUND
Sámegillii: Inger Anna Gaup Gustad
Til startsida